Male price
Monday, January 2nd, 2006
Evo me nazad . Malo san se zanesla iskajuc kako funzionira ovaj blog . Pozdrav simi i evo ca san otela rec. Vidin da pise da si more rec ono ca jih tisci.I jedna zamerka ako more, magari san va falso ja ka pisen ovako kako pisen. Mislela san da je istrski blog i da se poise va dialekte ma nema veze. Onda cu i ja rec moju storiju koj se ne vidi kraja, a ka nan ji zivci vec skoro dve leta. Na pocetke tejen rec da san rastavna i da hcer zivi zmanun va Italije. No, dobro. Evo kako gre nasa storija.
Unazad otprilike leto i pol dobijemo obavjest da je umrl moj bivsi muz, ca bi rec otac od male , i to preko kanali cudni. Moja sestra ka zivi tamo je zvala sestru ka zivi na granice Francuske i ova je zvala mane da me obavjesti. Da ne duljin puo oko nasih osjecaja rec cu samo da smo se spravile e sle tamo Na sprogod.Ne moran rec kako su se ponasali prisutni. Nima niku importanzu. Finil sprogod, smo sli va konobu kade je bilo paricano za jist , a ca su organizirali braca od pokojnog. Lepa stvar je ca ta konoba je va centre od Matuji. I ca je pokojni bil "gazda" od iste. Ca bi rec da je konoba otprta va njegove privatne kuce, na starine. Do tu se dobro. Finil pogreb smo drugi dan sli na opcinu skupa s pokojnikovim bratun mlajin. Sluzbenica ka nas je prijela povedala je samo s njin i mane se ta stvar ni jako pijazala, ca san joj zajdin stavila na znanje. I time san joj se jos manje pijazala. Izasli smo van z opcine i sli va stan kade je zivel pokojni muz. Da bimo dosli do sobi kade je spal morali smo pasat kroz konobu..eh…ka je ugostiteljski objekat!?!?…Dobro. Kad amo dosli do sobe jos vece iznenadjenje me cekalo, se je bilo ocisceno i prekopano, as deset dan unazad smo mala i ja bile tamo kod njega i nutra je bil svinjac. Da san se pitala kade je sanitarna inspekcija i ni mi bilo jasno kako se more delat va takoven stanje. No, kako nismo imele puno vremena sle smo ca pustajuc brata ca bi rec barbu od male da vidi ca more storit..No, vec onput se videlo da ni bas jako zainteresiran za bilo ca storit ako nima koristi..iako je mislel da je kuca njiha..i tako se ponasal.u ten stilu..
Ostavinska rasprava..
Iznenadjenje. Pojavljuje se "Gromican" [Isti onaj za kega mi je pokojni rekal da mu je posudil soldi i da je ovaj pobegal. Da ne zna kade je..Onaj isti ki je zel konobu va najam od pokojnega , drzal je malo vremena (otprilike sest meseci), dok ni uspijel va svojen naume i zbrisal na sigurno. Onaj isti ki je pustil svoju obitelj zenu i sina, i se stavil s zenskun od osandeset let zivet, ca je bivala zgor mojga ex muza i bila mu teta. Onaj isti ki joj je vjeriojatno bil razlog njene smrti..Ma homo redon] ko suvlasnik u pola idealnog dijela kuce..Govorin kakova je situazija bila izmedju pokojnika i Gromicana, ma biljeznik mi govori da moramo zet advokata , i jos nan ga konsija kega.. Hcer mi je dala punomoc da ne bin imela problemi zbog mijesanja u stvari licne prirode. Ca se pokle videlo dobar potez. Ti dani smo bivale kod moje sestri, ma smo hodile va kucu cistit tako da se moremo uselit. Prva stvar je bila da iscemo documenti.., ugovor od najma , ma nismo imele tu srecu. Ustvari nismo nasle nis, deset kun..Tako da san pitala ovega ca drzi konobu ako ima on ugovor, ma je odgovor bil negativan pa san lepo morala poc na opcinu..Sakin danon se vise smo bile iznenadjene otkricima. Jedino ca smo nasle su bile cetiri knjigi od nacrti kako je konoba morala izgledat. Tako da san odlucila posjetit gospodina inzinjera..I opet iznenadjenje..On mi rece da moran imet samo jednu knjigu, a ja mu govorin da cu mu jih prinest pa ce sam videt..Tako san i storila. Kad jih je videl mi je rekal:" Gospa, ne znan zac su hitili ca soldi, ako jih nisu proveli . Gospodin punomocnik od vaseg muza je to obavljal..Ne razumen, as po oven ni ostarija, konoba ne bi smela delat…" Vratin se doma i pocnen cistit. Cistin i mislin…Eko kako odjedanput mi pridu cudne ideji va glavu.. No pusmo ca..
Grenmo do advokata i ova rece :jda, gospodjo , more se napravit , ma se mora dokazat da je vas muz bio ljeceni alcoholicar. Recen da cu joj donest karton od doktora..I hitin se na delo..Iscen njegovega doktora , ma ovaj govori 
a , znan vaseg muza, vidjal san ga va Matuji va ocajnen stanju , ma ni nikad bil pul mane. Ni moj pacijent. ::Gren na socijalno i jin recen problem da iscen karton od xx , gledaju i me vracaju nazad doktoru tvrdeci da va kompiutere se vodi kod njega. Vracan se nazad , ma ovaj drzi svoju pricu..Pusmo ca ..Gren na drugi kraj iskat pomoc. Uspiesno. Vratin s do dva dana kod gospodje advokat i mi pocne neku pricu sasvim desetu..Valjda je mislela da necemo nac nis , ca ja znan.. Pokupin dokumente i pocne nasa potraga za advokatun ki ce zet nas slucaj ..U medjuvremenu san sakupila dve borse dokumenti..I pomalo se mozaik slozil va moje glave.. Pomalo pricanja s jedne strane , s druge su nasli svoja mjesta..va celoj price..
Moj je muz da fini seoko komnobi i stavil je va pogon , i osim tega dal mene soldi ca san jih cekala a ca mi je bil duzan, zajedno s familijun,as su skupa imeli jedan kus veli od zemlji na Kuke, cekal soldi. Ekko va to vreme se odjedanput pojavil Gromican ki mu se ponudil da ce on finanzirat izgradnju.. Onda je ovaj dobil soldi , ali ne on ma njegov barba. I isto tako punomocnik od muza ki gledaj malo je imel osim njega punomoc od teti i od gromicana…kako jedan konsiljer [recimo si da je va svoje vreme vladal Opatijun i magari jos sada , ca bin rekla MaFFi ]preko kega je sve slo…Tako da san po savjetu od barbi sla do njega i pitala ga dokumenti od soldi a on mi rekal da su soldi bili kod barbi i da ovaj ima odreske , a on mi more dat ono ca je kod njega ostalo od dokumenti…I mi da jedan savjet u "svezi"s gromicanun -da ga isplatin….I stvar rijesena.. Kako va Opatije ni se nasal jedan advokat ki bi zel nas slucaj , sle smo vReku u potragu..I tamo najdemo jednega ki ce zet..ma nan rece da ga gremo cekat va Kontinental.., dok on vidi napravi par telefonati..Pokupila san dokumenti i cekala vane va predsoblju. Onda nas je zval nutra ..i sparal jednu cifru ku ja nisan mogla zajdin platit…Smo se vrnule odkud smo sle..Onda mi je sin rekal za jednega drugega ..Smo sle , ma ni tu pomoci, no, jos je otel da mu dan broj od MaFFija, as da ima s njin nes za obavit pravnicke prirode..Ma san mu rekla da cu mu se javit jutra, san znala da necu..Ca moran rec da smo bile na slomu zivaca..Mislin da ne moran…I onda vracajuc se doma ideja ..gremo kod tipa ki je imel parnicu protiv Maffija..cemo ga pitat otprto ako nan more kako pomoc..
Fermamo se pred motelun i ujdemo unutra..Bil je na sanku ..Zajdin pokle pozdrava mu recen ovako:" Cujte , vi ste nan zadnja sansa..Dela se od Maffija , i si advokati takorec nece da zemu as cin cuju njegovo ime kambijaju muziku…Ekko..ako znate kega ki ima jaja od zeleza…" Pokle uru vremena smo vec povedale s jednin advokatun..Pregledal je se i rekal da moremo krenut ..Da se jasno vidi da je namjesteno ..Ma reci mi malo ki more va centru Matulja kupit osandeset quadrati poslovnog prostora za 20000euri…?!?…. Onda je za rec anke da san bila bezobrazna i s biljeznikon..Jesan..Rekla san ovako :"Postoji zakon, da jedan pijanac ki pride va ostariju pod gasun , mu je zabranjeno dat pijacu , kako to da jedan pijanac more pred zakonun a ovaj ga jos i vidi [ nazalost se videlo da pije po izgledu i ponasanju], anke da zmiris osjecas miris njegov, koako mu more dozvolit da potpise jedan takov dokumenat. Kade je zakon va ten slucaje?!?????!!!KADE? Ma ni gotovo tu…ima jos tega… Ispostavilo se da ugovor o kupoprodaji kuce e ugovor o iznajmljivanju konobe ( drugemu) zajdin se nasal pri ruci , oba dva su uguvora napravljena va isti dan va Opatije- samo s razlikon ca jedan je potpisal jedan biljeznik , a drugega drugi..Zac? se pitan ..As su posli bili cisti ..normalni..Zbog deset dvajset metar razdaljne izmedju biljeznickih kancelarija?..O magari zato as su znali dobro ca delaju ..samo brizan pijanac ni imel pojma , as za njega je bilo se complicirano, o mu je bilo receno va stile od casice?? dosta videt potpisi na karte kako putuju nepravilno…saki zase.,..
Nastavlja se…